search_left
"Unha ventá para o recordo"
A Vilagarcía antiga
 
HISTORIA DE D. RAMÓN DEL VALLE-INCLÁN EN AROUSA
POR XABIER DEL VALLE-INCLÁN ALSINA E TEODOMIRO CARDALDA FERNÁNDEZ
 
Nota dos autores:
Este traballo de pescuda sobre estes grandes persoeiros que estiveron a primeiros do século XX en Vilagarcía e Vilaxoán; foi feito para publicar no seu día no Diario de Arousa, comezando esa publicación o 21 de abril de 2013. Hoxe vai ser publicado por esta Web de Patrimonio Vilagarcía, grazas a o seu mantedor Juan Carlos Porto.
Nesta pescuda falamos do grande escritor guatemalteco Enrique Gómez Carrillo, que fora nomeado fillo adoptivo de Vilagarcía de Arousa. As tertulias que tiñan no Café Poyán, no Pazo de Sobrán e outros lugares emblemáticos de Arousa con Ramón del Valle-Inclán, Alfredo Vicente (un dos grandes xornalistas de Galicia e director do xornal El Liberal de Madrid), Ramón Fernández Mato e Francisco Padín Cardalda dono naquel entón do Pazo de Vilaxoán.

Javier del Valle-Inclán Alsina 
Teodomiro Cardalda Fernández.

28-outubro-2013
Santiago de Compostela, Vilaxoán de Arousa
 
Valle-Inclán, a milicia e a República.
 
O escritor arousán declarou en varias ocasións que a súa vocación frustrada era ser militar, porén non lle molaba tanto como para facer o servizo militar, pois a súa familia pagou cando él era mozo a redención en metálico para libralo de quintas. Nunha ocasión confesoulle ao seu amigo, o diplomático e escritor mexicano Alfonso Reyes: “Yo no soy escritor. Yo soy militar. Es decir, que, por una parte, contemplo las cosas panorámicamente, “a ojo de águila”, como contempla el guerrero su campo de combate; y por otra, acometo siempre las obras por rapto de audacia, a lo militar. Lo primero explica los asuntos; lo segundo, los procedimientos”. Na familia de Ramón del Valle-Inclán houbo quen elexiu a carreira das armas, como Antonio Florencio del Valle, virrei que foi de Catalunya e Valencia, ademáis de tenente xeneral, ou o mariscal Antonio Luis del Valle, ou Manuel Antonio Saco Bolaño, responsable das Milicias Urbanas Rurais da Pobra do Caramiñal, e, finalmente, Carlos Luis del Valle-Inclán Malvido, señor que foi do pazo de San Lourenzo de András, a “casa hidalga” próxima a Flavia-Longa en “Romance de lobos” que nós identificamos con Vilaxoán de Arousa.
Na súa biblioteca, Valle-Inclán posu...Leer la continuación
Escrito por Xabier e Teo •   Agregar un comentario   0 comentarios
 
Gómez Carrillo, Alfredo Vicenti e Valle-Inclán en Arousa - Capítulo I
rss feed
O escritor, xornalista e diplomático guatemalteco Enrique Gómez Carrillo (1873-1927), desenvolveu a súa carreira literaria en Europa, fundamentalmente en París.
O vencello que este escritor mantivo con Arousa permanece esquecido para o gran público e as instancias políticas, e só aparece, en ocasións, citado a pé de páxina ou en meritorios estudos de historia local.
Cómo soubo Gómez Carrillo de Galicia? Quén o trouxo á Ría de Arousa? Cándo aconteceu? Qué amizades fixo? Adicou algunha das súas crónicas a Galicia, a Vilagarcía, a Pontevedra... ?

A nosa intención é sitúalo no mapa de Galicia entre 1908 e 1916 e fiar unha historia a modo de “folletón” en Patrimonio Vilagarcía para dar resposta na medida do posible ás preguntas formuladas e a outras que quedan por emerxer.
En xeral, a obra de Gómez Carrillo ficou clasificada como “modernista”, un termo bastante embrollado que servía, cando remataba o século XIX e até ben entrado o século XX, para designar aos espíritus abertos ás correntes artísticas que rivalizaban en tirar abaixo unha idea da Arte que consideraban agostada.

Na banda modernista, aniñaban dúas tribos que interesan para o noso propósito: a que “pasaba” da política e a que procuraba unha mudanza da situación social na que a Arte tiña un papel que cumprir, algo así como unha “arte instrumental” que serviría para amosar o falseamento e as mentiras das clases dirixentes e, ao mesmo tempo, poñer diante dos ollos dos explotados os alicerces dunha nova ética mentres botaban un rato agradable gozando dunha pequena obra de teatro, escoitando un coro ou un recital de poesía.
Gómez Carrillo mexturou ambas posturas pero, en xeral, a súa produción literaria non pode tacharse de “comprometida”. Desenvolveu un relevante papel como introdutor no mundo hispánico...Leer la continuación
Escrito por Teo Cardalda - Xa...  Agregar un comentario   0 comentarios
 
Tres visitantes ilustres: Gómez Carrillo, Alfredo Vicenti e Valle-Inclán en Arousa.

Tres visitantes ilustres: Gómez Carrillo, Alfredo Vicenti e Valle-Inclán en Arousa. Por Xabier del Valle Inclán Alsina e Teo Cardalda. Capítulo II

01/11/2013 19:37:32
Poucos días máis tarde, o 27 de abril, Carrillo publicou en La Vida Literaria un artigo sobre o faladoiro que no Café Lyon d’Or mantiñan un Benavente de “sonrisa helada y hermética” e un Valle-Inclán que “gesticula, palpita, se mueve y se conmueve” lembrando as súas supostas “aventuras de coronel mejicano”:
“En Oaxaca – dice- me llevaron a la prevención tomándome por loco y me hicieron pasar la noche en el patio. ¡Qué noche! Fue tan larga, que logré arreglar dos frases enteras para un cuento que preparaba entonces… Y tenía sueño… Tanto sueño tenía, que al amanecer, cuando los guardias llevaron a un asesinado en una camilla, lo primero que hice fue tirar al muerto por un pie y dormirme en su lugar, bajo el toldillo clemente…
Luego hablamos de nuestras habitaciones. Más o menos, todos hemos vivido mal, en piezas húmedas y frías.
-Nadie como yo – dice el autor de Femeninas, levantando los brazos con ademán principesco- nadie. Porque figúrense ustedes que al volver de América lo único que me quedaba era una torre en un pueblo de Galicia, una torre desmantelada, a mitad campanario y a mitad pozo artesiano. Pero era mi torre, y allá me fui a vivir. Para que las ratas no me comieran, colgué mi cama en el altísimo techo con cuatro cuerdas que sirvieron tres siglos ha a mi tío D. José, un noble de veras, para colgar a los lacayos que no sabían limpiarle las botas. Las primeras noches todo fue bien; pero al cabo de una semana, cuando recobré mis plebeyos hábitos de artista y comencé a querer dormir hasta las doce del día, los ratones entrometidos y las dulces palomas se propusieron darme pesadas bromas. Por la noche, los ratones subían por los muros y yo tenía necesidad de permanecer en vela para maullar eternamente y espantarles. De lo contrario hubiéranse comido las cuerdas de mi lecho. Al amanecer eran las palomas las que venían a picotearme las barbas…
Una pausa. Luego, como epílogo para hacer ver la bondad de su alma:
-Empero, un día mi bisabuela, que vive aún y que suele dar banquetes, mandó a dos de sus esclavos a buscar algunas palomas de mi torre. - ¡Ah!- les dije después de administrarles un centenar de azotes- ¿palomas? ¡De ningún modo! Id a decir a mi señora bisabuela que las aves que se refugian noblemente en mi palacio, merecerán siempre mi apoyo y mi protección.
Al fin, con irónica amargura:
-Y a la madrugada siguiente me picaron más fuerte, la plebeyas...”.
Algún estudoso tense laiado do abondoso anecdotario que arrodea ao autor de “Divinas palabras” que, é ben certo, sirviu durante anos para agochar outras faces artísticas e persoais de maior envergadura, pero tamén é de xustiza recoñecer que don Ramón, durante prácticamente a súa vida, contribuiu con esmero a deturpar a súa propia imaxe. Baste lembrar a zarangallada alimentada durante anos sobre o seu berce ou as bolas que largou sobre cómo perdera o brazo en agosto de 1899.
En novembro de 1904 tivo lugar no madrileño Café Inglés un banquete homenaxe a Valle-Inclán pola publicación do seu libro “Flor de Santidad”. Acompañaron ao autor varios paisanos seus, Álvarez Limeses, Vaamonde e Linares Rivas, e Gómez Carrillo sumouse ao acto enviando desde París un artigo ao xornal mexicano La Opinión.
Os veráns en Galicia.
Da man de Vicenti, o escritor guatemalteco Gómez Carrillo viaxou durante varios anos a Galicia, especialmente para botar os meses de verán, que era cando se desataba o Vicenti político, visitando as súas prazas electorais para tecer a rede de votos que lle permitía ter representación nas Cortes.
A primeira noticia que temos da presenza de Alfredo Vicenti e Enrique Gómez Carrillo en Galicia é de agosto de 1908.
O día 29 de agosto, un pequeno solto aparecido na prensa informa que ambos xornalistas foran obsequiados pola Comisión Provincial de Pontevedra cun banquete “en el hotel de los Placeres” no que Gómez Carrillo foi proclamado “gallego honorario por las sinceras apologías que ha hecho de esta tierra”.
Temos que pegar un brinco até setembro de 1911 para atopar na prensa algunha noticia sobre os dous personaxes que nos ocupan. Antes do día 13, Vicenti e Carrillo parten de Madrid cara a Galicia e segundo a prensa consultada o escritor americano tiña no maxín escreber una obra sobre a patria de Vicenti.
O devandito día chegan a Coruña desde onde partiron cara Viveiro para participaren nas festas conmemorativas do Centenario de Nicomedes Pastor Díaz e despois de celebrados os actos pasaron por Compostela, son recibidos por Balsa de la Vega e outras persoas, e continúan viaxe a Vilagarcía na que sería a primeira visita do xornalista guatemalteco. Alí, según El Liberal do día 22, Vicenti e Carrillo son obsequiados cun banquete no que tomaron a palabra o líder agrarista Joaquín Núñez Couto, Gómez Coello, Victoriano García Martí e Prudencio Landín.
Durante os meses de novembro e decembro, podemos atopar en diferentes cabeceiras de xornais galegos algúns artigos de Gómez Carrillo que teñen como tema central aspectos da vida galega, e que antes foran publicados nun xornal de alén mar, La Nación, de Bos Aires:
Galicia y los árboles en El Regional, de Lugo, do día 21.
Hablando de Galicia. La obsesión argentina. Gallegas y gallegos en El Diario de Pontevedra do 22.
Los árboles. La obsesión argentina. Gallegos y gallegos (sic) en Gaceta de Galicia do 23 de novembro.
La alegría gallega en El Regional do 6 de decembro.
La casa de Rosalía no compostelán Gaceta de Galicia do 8 de decembro.
A través de Galicia. Las hadas. Porque no se nos visita en Gaceta de Galicia do día 19.
A través de Galicia. Las hadas en El Diario de Pontevedra do 20 e 
La alegría gallega do día 22 en Gaceta de Galicia.
Os temas son ben significativos: a sorpresa que lle producen as árbores que adornan a paisaxe, o contraste entre o que lle ten escoitado a Emilia Pardo Bazán, Alfredo Vicenti, Manuel Murguía e Valle-Inclán, “somos tristes”, e a ledicia que observa nas xentes de Galicia.
Cando visita a casa de Rosalía de Castro, tras preguntar ao seu acompañante pola persoa ou institución que gardou as pertenzas e conservou a casa da grande poeta, recibeu con sorpresa esta resposta: foi una dama inglesa, “una rubia dama venida de Londres”.
No artigo titulado “Las hadas”, Gómez Carrillo describe unha horta que ficaba nunha casa próxima a Vilagarcía, en Vilaxoán concretamente, un “patio obscurecido por una higuera centenaria”, no que as árbores deixaban caer os seus froitos.
En “La obsesión argentina”, Carrillo non perde a oportunidade para sinalar a moi manifesta presenza da república americana en Galicia baixo diferentes formas: as casas modernas ergueitas por familiares de emigrantes, os bancos galegos que repatrían os cartos das colonias galegas de alén mar, o papel modernizador da emigración na vida do País ao promover métodos máis modernos para o cultivo da terra, ou preocupándose para que os grandes monumentos non desapareceran para sempre e sufragando na súa terra “las escuelas laicas y los hospitales higiénicos”.
En 1912, Gómez Carrillo tiña intención de botar a práctica totalidade do verán en Galicia para, dunha banda, adquirir una casa en Vilagarcía, e, doutra, rematar coa recolleita de dados para un libro que tiña no maxín, que titulará “Romerías”. O certo é que non viaxou até mediados de setembro, xunto a Alfredo Vicenti e outros persoeiros, no convoio que partiu de Madrid cara Mondoñedo co cadáver exhumado do compositor Pascual Veiga que, según unha impagable crónica de La Época, apresentaba un aspecto excelente.
Tras pasaren por Coruña e Compostela, El Liberal do día 23 da conta da chegada de ambos a Vilagarcía. Tres días máis tarde, o mesmo xornal anuncia a celebración dun mitin redencionista, organizado por “Acción Gallega”, no que se agardaba que tomaran a palabra Basilio Álvarez, Eugenio López Aydillo, Alfredo Vicenti, e, segundo outras fontes, tamén José Franco e Javier Montero Mejuto. Para o día 28, sábado, estaba tamén previsto obsequiar co consabido banquete á ilustre parella, e así foi, mais antes un grupo de persoas, amigos de Ramón Fernández Mato, entre os que se contaban Vicenti e Carrillo, partiron do peirao de Vilagarcía cara a Cespón “en una canoa automóvil” para celebraren a onomástica de Mato.
O día 30, El Liberal publica dúas crónicas: unha do mitin agrario e outra do banquete celebrado na honra de Carrillo e Vicenti. Tomaron a palabra Delfín Estévez, Fernández Mato, López Aydillo, o sacerdote ourensán Basilio Álvarez e Alfredo Vicenti, que “pintó con trágicas y justas tintas la miseria de la campiña y de la mar, la vieja sarna del caciquismo, la ancestral y tiránica pesadumbre del foro que se lleva el fruto y el producto de una tierra sobre la que cayó el sudor y las lágrimas del labrador. Elogió el recio estilo de combate del cura heroico Basilio Álvarez, que tiene una corona sacerdotal sobre el cráneo y otra corona de sol y de espinas cercándole el corazón”. O público vibraba e acollía aquelas verbas con “delirantes aplausos” que volveron repetirse cando, tras aludir a Castelao, recomendou asociarse, federarse, buscar a armonía e o mutuo acordo.
No Museo de Pontevedra conservan unha caricatura de Basilio Álvarez realizada polo debuxante e político rianxeiro na que o ensotanado agrarista está a pronunciar un mitin. Está datada arredor de 1913. Cabería pensar que foi realizada un ano antes?
A segunda crónica de El Liberal corresponde ao banquete que tivo lugar en Vilagarcía a noite do día 28. Tomaron a palabra o criminalista Gerardo Doval, Ramón Fernández Mato, Mallo, que era o representante dos campesiños da bisbarra vilagarciá, Gándara, director do xornal Galicia Nueva, Alfonso Rodríguez Castelao, que realizou unha caricatura, o concelleiro Francisco Padín, Carrillo e Vicenti. Foi este último quen lembrou a Atilano Núñez de Couto, un incansable loitador pola redención do campesiñado galego.
Antes de retornaren cada quen a súa pola, Vicenti a Madrid e Carrillo a París, ambos escritores foron obsequiados o día 1 de outubro cun novo banquete no “Hotel Argentina” de Vilagarcía de Arousa.
Escoitáronse varios discursos. Ramón Fernández Mato falou de Compostela e de Vicenti; Castelao, “el popular y genial humorista galiciano, pronunció un brindis donde hervían dos cosas: una gracia retozona y moza y una gratitud sin tasa hacia Alfredo Vicenti, su protector constante”; Gómez Carrillo asegurou “que nunca como en esta tierra, que es la tierra de mi alma, experimenté igual expresión de alegría. Aquí todos son amigos míos, paisanos míos. Yo, que casi no tenía ahora patria, puesto que hace más de veinte años vivo lejos de la América donde vine al mundo, la encuentro aquí”. Rematou o turno de intervencións Alfredo Vicenti, que aproveitou para lembrar cando de mozo tivo que marchar de Compostela, convencido da imposible rexeneración desta terra. Agora, frente a Castelao e Mato, “ante estos dos artistas, que tienen optimismo y fe y decisión para luchar, siento la alegría de un padre que tras larga carencia de prole es premiado por el Destino con dos hijos así”.
Cándo e cómo se coñeceron Carrillo, Mato e Vicenti?
A fonte bibliográfica que usamos é o limiar da novela de Ramón Fernández Mato titulada “El atrio profanado”, editada en Madrid en 1913. O seu autor, Gómez Carrillo, conta que el e máis Vicenti estaban paseando polas rúas de Compostela cando un mozo achegouse a eles. Era unha tarde de outono. O estudante rematara a carreira de Medicina e porfiaba para darse a coñecer como poeta e escritor. Desde aquel día, dinos Gómez Carrillo, prendeu neles o lume da amizade. Continuará
Escrito por Xabier e Teo •   Agregar un comentario   2 comentarios


Moi interesante esta historia de Valle Inclan. Seguireina con atencion.Apertas Xulio
Xulio Otero Castro de Cambados Escrito el 02/11/2013 11:05:43
Señores del Valle Inclán y Cardalda, hacía mucho tiempo que no tenía la oportunidad de leer algo tan interesante, ameno y didáctico. Espero con ansiedad los próximos capítulos. Gracias por deleitarnos con este magnífico trabajo. Un saludo.
Roberto Núñez Porto Escrito el 01/11/2013 22:08:09



 
Tres visitantes ilustres: Gómez Carrillo, Alfredo Vicenti e Valle-Inclán en Arousa. Capítulo III
rss feed
Fillos Adoptivo de Vilagarcía de Arousa. Antes de que remate 1912, o Concello de Vilagarcía de Arousa celebrou dúas sesións. Na que tivo lugar o día 17 de decembro, o concelleiro José Pérez propuxo ao Pleno que, para agradecer a Gómez Carrillo as súas escritas que cantan as belezas da Ría de Arousa, orgaizara un banquete ao que asistirían só os membros da Corporación unha vez que o escritor guatemalteco xirara una nova visita á vila. Mais o concelleiro Francisco Padín estimou que non abondaba con celebrar ese acto: Vilagarcía de Arousa estaba en débeda con Ernesto Gómez Carrillo e sería de xustiza e por unanimidade nomealo “Hijo Adoptivo”. E así aconteceu na xuntanza do día 20. Tanto o Alcalde coma os concelleiros sabían que as crónicas sobre Galicia que Gómez Carrillo dera á luz en diferentes publicacións periódicas de alén mar, estaban xa recolleitas nun libro titulado “Romerías”: “Los árboles”, “La obsesión argentina”, “Gallegos y gallegas”, “La alegría gallega”, “Las mujeres de La Coruña”, “La casa de Rosalía”, “Las hadas”, “La casa de Carolina”, “Las hermanas enemigas”, “Pontevedra y Vigo”, “La grandeza de Vigo”, e un que interésanos de xeito especial, “Villagarcía”, que, de seguido, transcribimos para vostedes:
“Es la más linda villa del mundo. Suavemente recostada en las márgenes de la ría de Arosa, que es una taza de esmalte ante cuya...Leer la continuación
Escrito por Xabier e Teo •   Agregar un comentario   0 comentarios
 
Tres visitantes ilustres: Gómez Carrillo, Alfredo Vicenti e Valle-Inclán en Arousa. Capítuño IV
rss feed
Gómez Carrillo lembrará outra ocasión na que estivo de cháchara con Valle en Vilagarcía sen nos indicar o lugar, talvez “en los andenes de la calle de Calderón. En las mesas del Café Poyán”, como escribiu Ortiz Novo: “Recordé lo que muy a menudo decíame Valle Inclán durante nuestras sabrosas charlas en Villagarcía. En la época en que el autor de las Sonatas predicaba el evangelio de Jamblico, en efecto, las largas y rítmicas aspiraciones de aire tenían para él una importancia ritual, que entraba dentro de los misterios de la ogdoada y de la eneada, de que se servía el pitagório alejandrino para explicar las conjunciones de las emanaciones de la esencia. “Ante todo – murmuraba- hay que aprender a respirar”. Tamén en xaneiro atopamos as sinaturas de Valle e Vicenti ao pe do carta que foi dirixida ao Alcalde de Ávila para sumarse á iniciativa de Gómez Carrillo cara a bautizar unha rúa co nome do escritor e diplomático arxentino Enrique Rodríguez Larreta. Na escrita tamén batemos contra os nomes dos galegos Victoriano García Marti, Ramón Fernández Mato, Javier Valcarce e o doutor José Rodríguez Carracido. Como xa sabemos, as estadías de Carrillo e Vicenti en Galicia coincidían con diferentes viaxes e un xantar-homenaxe en Vilagarcía de Arousa. El Liberal anuncia o 31 de agosto a chegada dos nosos viaxeiros á estación dos camiños de ferro de Carril na compaña do avogado Gerardo Doval. No andén agardaban o Alcalde de Vilagarcía de Arousa, señor Deza, varios concelleiros e “nutridas representaciones de todas...Leer la continuación
Escrito por Xabier e Teo •   Agregar un comentario   0 comentarios
 
 
TEO CARDALDA FERNÁNDEZ
  XABIER DEL VALLE-INCLÁN 
 
Vign_vilaxoan_foto_web_3
 
Vign_Dibujo
Vilagarcía, Patrimonio e historia