search_left
"Unha ventá para o recordo"
A Vilagarcía antiga
 
HISTORIA DE D. RAMÓN DEL VALLE-INCLÁN EN AROUSA
POR XABIER DEL VALLE-INCLÁN ALSINA E TEODOMIRO CARDALDA FERNÁNDEZ
 
Nota dos autores:
Este traballo de pescuda sobre estes grandes persoeiros que estiveron a primeiros do século XX en Vilagarcía e Vilaxoán; foi feito para publicar no seu día no Diario de Arousa, comezando esa publicación o 21 de abril de 2013. Hoxe vai ser publicado por esta Web de Patrimonio Vilagarcía, grazas a o seu mantedor Juan Carlos Porto.
Nesta pescuda falamos do grande escritor guatemalteco Enrique Gómez Carrillo, que fora nomeado fillo adoptivo de Vilagarcía de Arousa. As tertulias que tiñan no Café Poyán, no Pazo de Sobrán e outros lugares emblemáticos de Arousa con Ramón del Valle-Inclán, Alfredo Vicente (un dos grandes xornalistas de Galicia e director do xornal El Liberal de Madrid), Ramón Fernández Mato e Francisco Padín Cardalda dono naquel entón do Pazo de Vilaxoán.

Javier del Valle-Inclán Alsina 
Teodomiro Cardalda Fernández.

28-outubro-2013
Santiago de Compostela, Vilaxoán de Arousa
 
Valle-Inclán, a milicia e a República.
 
O escritor arousán declarou en varias ocasións que a súa vocación frustrada era ser militar, porén non lle molaba tanto como para facer o servizo militar, pois a súa familia pagou cando él era mozo a redención en metálico para libralo de quintas. Nunha ocasión confesoulle ao seu amigo, o diplomático e escritor mexicano Alfonso Reyes: “Yo no soy escritor. Yo soy militar. Es decir, que, por una parte, contemplo las cosas panorámicamente, “a ojo de águila”, como contempla el guerrero su campo de combate; y por otra, acometo siempre las obras por rapto de audacia, a lo militar. Lo primero explica los asuntos; lo segundo, los procedimientos”. Na familia de Ramón del Valle-Inclán houbo quen elexiu a carreira das armas, como Antonio Florencio del Valle, virrei que foi de Catalunya e Valencia, ademáis de tenente xeneral, ou o mariscal Antonio Luis del Valle, ou Manuel Antonio Saco Bolaño, responsable das Milicias Urbanas Rurais da Pobra do Caramiñal, e, finalmente, Carlos Luis del Valle-Inclán Malvido, señor que foi do pazo de San Lourenzo de András, a “casa hidalga” próxima a Flavia-Longa en “Romance de lobos” que nós identificamos con Vilaxoán de Arousa.
Na súa biblioteca, Valle-Inclán posu...Leer la continuación
Escrito por Xabier e Teo •   Agregar un comentario   0 comentarios
 
Gómez Carrillo, Alfredo Vicenti e Valle-Inclán en Arousa - Capítulo I
rss feed
O escritor, xornalista e diplomático guatemalteco Enrique Gómez Carrillo (1873-1927), desenvolveu a súa carreira literaria en Europa, fundamentalmente en París.
O vencello que este escritor mantivo con Arousa permanece esquecido para o gran público e as instancias políticas, e só aparece, en ocasións, citado a pé de páxina ou en meritorios estudos de historia local.
Cómo soubo Gómez Carrillo de Galicia? Quén o trouxo á Ría de Arousa? Cándo aconteceu? Qué amizades fixo? Adicou algunha das súas crónicas a Galicia, a Vilagarcía, a Pontevedra... ?

A nosa intención é sitúalo no mapa de Galicia entre 1908 e 1916 e fiar unha historia a modo de “folletón” en Patrimonio Vilagarcía para dar resposta na medida do posible ás preguntas formuladas e a outras que quedan por emerxer.
En xeral, a obra de Gómez Carrillo ficou clasificada como “modernista”, un termo bastante embrollado que servía, cando remataba o século XIX e até ben entrado o século XX, para designar aos espíritus abertos ás correntes artísticas que rivalizaban en tirar abaixo unha idea da Arte que consideraban agostada.

Na banda modernista, aniñaban dúas tribos que interesan para o noso propósito: a que “pasaba” da política e a que procuraba unha mudanza da situación social na que a Arte tiña un papel que cumprir, algo así como unha “arte instrumental” que serviría para amosar o falseamento e as mentiras das clases dirixentes e, ao mesmo tempo, poñer diante dos ollos dos explotados os alicerces dunha nova ética mentres botaban un rato agradable gozando dunha pequena obra de teatro, escoitando un coro ou un recital de poesía.
Gómez Carrillo mexturou ambas posturas pero, en xeral, a súa produción literaria non pode tacharse de “comprometida”. Desenvolveu un relevante papel como introdutor no mundo hispánico...Leer la continuación
Escrito por Teo Cardalda - Xa...  Agregar un comentario   0 comentarios
 
Tres visitantes ilustres: Gómez Carrillo, Alfredo Vicenti e Valle-Inclán en Arousa.
rss feed
Poucos días máis tarde, o 27 de abril, Carrillo publicou en La Vida Literaria un artigo sobre o faladoiro que no Café Lyon d’Or mantiñan un Benavente de “sonrisa helada y hermética” e un Valle-Inclán que “gesticula, palpita, se mueve y se conmueve” lembrando as súas supostas “aventuras de coronel mejicano”: “En Oaxaca – dice- me llevaron a la prevención tomándome por loco y me hicieron pasar la noche en el patio. ¡Qué noche! Fue tan larga, que logré arreglar dos frases enteras para un cuento que preparaba entonces… Y tenía sueño… Tanto sueño tenía, que al amanecer, cuando los guardias llevaron a un asesinado en una camilla, lo primero que hice fue tirar al muerto por un pie y dormirme en su lugar, bajo el toldillo clemente… Luego hablamos de nuestras habitaciones. Más o menos, todos hemos vivido mal, en piezas húmedas y frías. -Nadie como yo – dice el autor de Femeninas, levantando los brazos con ademán principesco- nadie. Porque figúrense ustedes que al volver de América lo único que me quedaba era una torre en un pueblo de Galicia, una torre desmantelada, a mitad campanario y a mitad pozo artesiano. Pero era mi torre, y allá me fui a vivir. Para que las ratas no me comieran, colgué mi cama en el altísimo techo con cuatro cuerdas que sirvieron tres siglos ha a mi tío D. José, un noble de veras, para colgar a los lacayos que no sabían limpiarle las botas. Las primeras noches todo fue bien; pero al cabo de una semana, cuando recobré mis plebeyos hábitos de artista y comencé a querer dormir hasta las doce del día, los ratones entrometidos y las dulces palomas se propusieron darme pesadas bromas. Por la noche, los ratones subían por los muros y yo tení...Leer la continuación
Escrito por Xabier e Teo •   Agregar un comentario   2 comentarios
 
Tres visitantes ilustres: Gómez Carrillo, Alfredo Vicenti e Valle-Inclán en Arousa. Capítulo III
rss feed
Fillos Adoptivo de Vilagarcía de Arousa. Antes de que remate 1912, o Concello de Vilagarcía de Arousa celebrou dúas sesións. Na que tivo lugar o día 17 de decembro, o concelleiro José Pérez propuxo ao Pleno que, para agradecer a Gómez Carrillo as súas escritas que cantan as belezas da Ría de Arousa, orgaizara un banquete ao que asistirían só os membros da Corporación unha vez que o escritor guatemalteco xirara una nova visita á vila. Mais o concelleiro Francisco Padín estimou que non abondaba con celebrar ese acto: Vilagarcía de Arousa estaba en débeda con Ernesto Gómez Carrillo e sería de xustiza e por unanimidade nomealo “Hijo Adoptivo”. E así aconteceu na xuntanza do día 20. Tanto o Alcalde coma os concelleiros sabían que as crónicas sobre Galicia que Gómez Carrillo dera á luz en diferentes publicacións periódicas de alén mar, estaban xa recolleitas nun libro titulado “Romerías”: “Los árboles”, “La obsesión argentina”, “Gallegos y gallegas”, “La alegría gallega”, “Las mujeres de La Coruña”, “La casa de Rosalía”, “Las hadas”, “La casa de Carolina”, “Las hermanas enemigas”, “Pontevedra y Vigo”, “La grandeza de Vigo”, e un que interésanos de xeito especial, “Villagarcía”, que, de seguido, transcribimos para vostedes:
“Es la más linda villa del mundo. Suavemente recostada en las márgenes de la ría de Arosa, que es una taza de esmalte ante cuya...Leer la continuación
Escrito por Xabier e Teo •   Agregar un comentario   0 comentarios
 
Tres visitantes ilustres: Gómez Carrillo, Alfredo Vicenti e Valle-Inclán en Arousa. Capítuño IV

Tres visitantes ilustres: Gómez Carrillo, Alfredo Vicenti e Valle-Inclán en Arousa. Por Xabier del Valle-Inclán Alsina e Teo Cardalda - Capítulo IV

04/11/2013 15:01:15
Gómez Carrillo lembrará outra ocasión na que estivo de cháchara con Valle en Vilagarcía sen nos indicar o lugar, talvez “en los andenes de la calle de Calderón. En las mesas del Café Poyán”, como escribiu Ortiz Novo:
“Recordé lo que muy a menudo decíame Valle Inclán durante nuestras sabrosas charlas en Villagarcía. En la época en que el autor de las Sonatas predicaba el evangelio de Jamblico, en efecto, las largas y rítmicas aspiraciones de aire tenían para él una importancia ritual, que entraba dentro de los misterios de la ogdoada y de la eneada, de que se servía el pitagório alejandrino para explicar las conjunciones de las emanaciones de la esencia. “Ante todo – murmuraba- hay que aprender a respirar”.
Tamén en xaneiro atopamos as sinaturas de Valle e Vicenti ao pe do carta que foi dirixida ao Alcalde de Ávila para sumarse á iniciativa de Gómez Carrillo cara a bautizar unha rúa co nome do escritor e diplomático arxentino Enrique Rodríguez Larreta. Na escrita tamén batemos contra os nomes dos galegos Victoriano García Marti, Ramón Fernández Mato, Javier Valcarce e o doutor José Rodríguez Carracido.
Como xa sabemos, as estadías de Carrillo e Vicenti en Galicia coincidían con diferentes viaxes e un xantar-homenaxe en Vilagarcía de Arousa.
El Liberal anuncia o 31 de agosto a chegada dos nosos viaxeiros á estación dos camiños de ferro de Carril na compaña do avogado Gerardo Doval. No andén agardaban o Alcalde de Vilagarcía de Arousa, señor Deza, varios concelleiros e “nutridas representaciones de todas las Asociaciones agrarias del partido de Cambados, en representación de cinco mil asociados”.
Quizáis Vicenti non estaba de humor para homenaxes e xantares porque o 20 de maio fora soterrada en Madrid a súa muller. A comitiva fúnebre xuntou a numerosas persoas, entre elas a Ramón del Valle-Inclán. Curiosamente, ese mesmo día rematouse de imprentar en Madrid, no obradoiro de Juan Pueyo, a novela de Ramón Fernández Mato, “El atrio profanado”, que leva unha adicatoria impresa ao director de El Liberal.
Seguimos a información que apareceu en El Liberal o 6 de setembro para saber da visita que Vicenti, o seu fillo, Gómez Carrillo, Delfín Estévez e Manuel Álvarez fixeron á Sociedade de Agricultores de O Grove para participar nunha manifestación de máis de dúas mil persoas que se desprazou até a Illa de A Toxa para reivindicar “la justísima pretensión que tienen los hijos del Grove sobre los montes de aquella isla y la tremenda injusticia que significaría privarles del aprovechamiento que por derecho antiquísimo vienen ejercitando sobre los referidos montes”. Rematou a visita co consabido xantar que foi coroado polas palabras de Vicenti teimando na unión das sociedades agrarias como mellor palanca para rematar co caciquismo.
O día 12 de setembro de 1913, El Liberal anuncia a chegada de Gómez Carrillo a Coruña para ese día. En Vilagarcía, despedírase de Alfredo Vicenti, que enfilou cara a Mondariz e tamén viaxará á Coruña cando remate o mes de setembro.
Foi descender do automóbil, e unha comisión de xornalistas locais levou a Gómez Carrillo ao local da sociedade “Reunión de Artesanos” para brindar con champaña. Tivo ocasión de saudar a Emilia Pardo Bazán antes de se someter ao banquete que lle brindaron no “Ideal Room”: as páxinas do seu libro “Romerías”, tituladas “Las mujeres de La Coruña”, son un fito na andaina do coruñesismo consciente...
Dúas sobranceiras personalidades pronunciaron discursos de “laudatio”: Ponte Blanco, presidente da Asociación da Prensa da Coruña, e Casás, que ocupaba idéntico cargo na “Reunión de Artesanos”. Pechou o acto Alejandro Barreiro coa lectura dunha carta de Gómez Carrillo, quen “escribe como nadie, pero que no habla”, para agradecer aquelas mostras estima.
Queren coñecer o artigo que adicou á Coruña? Aí está:

“Las mujeres de La Coruña.
Mi compañero de viaje me pregunta:
- ¿Ha visto usted algo más bonito, algo más alegre, algo más risueño?
Y sinceramente le contesto:
- No...
Porque en realidad no hay, en ninguna parte del mundo, un espectáculo como el de estas tardes ambulantes. Hay, sin duda, en Madrid, una calle de Alcalá por la cual pasan, envueltas en los resplandores del crepúsculo, las más lindas damas de Castilla. Hay en Niza, bajo las enramadas de la Alameda, un desfile perpetuo de bellezas cosmopolitas. Hay en Estrasburgo, en el Broglie umbroso, todo un enjambre de parleras muchachas siempre alegres, siempre sonrientes. Hay en San Sebastián, en las mañanas estivales, entre los frágiles tamaris, cortejos femeninos que se destacan como frisos antiguos en el esmalte del espacio. Hay en París, en fin, no en los Campos Elíseos, no en el Bosque de Bolonia, sino allá del otro lado del Sena, en el amable bulevar Saint-Michel, en el bullicioso país latino, un incesante y alucinante ir y venir sin prisa de delicadas niñas rubias cuyos ojos hablan de amor con ingenuidad. Pero lo que hay aquí no lo hay en ninguna otra parte, os lo repito.
Aquí, desde que el poniente enciende sus llamas sobre el mar, las calles céntricas empiezan a poblarse de mujeres exquisitas que no parecen ir a ningún sitio definido, ni buscar nada, ni pensar en nada, ni desear nada.
- Se pasean- díceme mi amigo.
Sólo que esto tampoco es exacto. El paseo supone ciertas condiciones. Se pasea por el Prado, por el Prater, por el Bosque de Bolonia. Mas en estas calles estrechas, no se explica el paseo, sobre todo cuando hay, un poco más lejos, amplias explanadas y jardines admirables y playas de encanto, siempre desiertas.
- ¡Así son nuestras mujeres!- exclama mi compañero.
¡Mujeres singulares y divinas!
Aunque digo mal. Singulares sin duda lo son. En cuanto a divinas, no. Son, por el contrario, muy humanas, muy admirablemente humanas, con sus cuerpos esbeltos, con sus bocas frescas, con sus ojos voluptuosos. Como si renegaran de su origen céltico, no tienen en sus pupilas esa gota de mar glauco que en Bretaña y en Irlanda hace pensar en el infinito del cielo. Y si no son hermanas de las muchachas de Osián, tampoco parecen serlo de las heroínas de Lope. Nada, en efecto, hay en ellas de españolas. El tapado iría muy mal a sus labios floridos y las dueñas no podrían seguir sus pasos rítmicos por estas calles hormigueantes.
- ¿Sabe usted lo que parecen?- le digo a mi amigo.
- No- me contesta.
- Pues parecen parisienses.
Mi amigo se detiene un punto, como preocupado y contempla en silencio los grupos gorjeantes que pasan, tentadoras en sus estrechos trajes claros.
- Es cierto – me dice al fin- que los sombreros, los vestidos, los zapatitos, las medias, todo lo exterior, en una palabra, viene de París y es parisiense. Pero el fondo es de la tierra.
¡Qué tiene que hacer con el fondo un caballero que no hace más que ver pasar mujeres por la calle! Que sean muy distintas de las parisienses como alma, allá ellas. El alma no se lleva en la toilette. Lo que sí se lleva, que es el tono, la gracia, el chic, lo que se enseña, lo que se ostenta mejor dicho, eso aquí en esta capital de provincia no sé si de tercero o de segundo orden, es mucho más parisiense que en la orgullosa Madrid y en la opulenta Barcelona. Y digo más. Con la mano en el pecho, juro que no hay fuera de Viena y de París en toda Europa, una mujer tan elegante, tan discreta y tan bonita como la gallega de la Coruña. Sin nada de la nerviosidad andaluza, es, en el andar, en el moverse, en el ondular, de una delicadeza rítmica sólo común en París. Su delgadez fina, chocaría con el resto de España donde tanto prestigio tiene la belleza abundante, pero sería celebrada en Francia como un triunfo de la línea pura. Sus ojos son maravillosos, de expresión inteligente y en sus labios hay tanta voluptuosidad unida a tanta gracia suave, que uno no puede, por más helada que tenga el alma, dejar de sentirse emocionado al hallarse prisionero en esta red infinita de sonrisas que en las calles, a la hora de ir y venir crepuscular, nos aprisiona, y nos encanta, y nos angustia”.
Deciamos antes que Alfredo Vicenti viaxou á Coruña cando remataba o mes de setembro. A crónica de La Voz de Galicia do día 30 parece inventada, pero non é así:
“Pero llegó casi de incógnito, sin decir ni una palabra de su arribo a amigos y admiradores; y como el querido D. Alfredo tuvo además la genialidad de rasurarse la barba y de encasquetarse una gorrita japonesa, ello fue que su presencia en La Coruña pasó unas horas inadvertida. Dimos con él cuantos le queremos en el Hotel de Francia, cuando ya el eminente periodista había paseado la ciudad de uno a otro extremo y abarcado el conjunto desde lo alto del faro de Hércules”.
Naturalmente, non houbo forma humana de zafarse do banquete, que tivo lugar no “Ideal Room”, e como colofón xurdiu un compromiso cidadá: a celebración na Coruña dunha homenaxe a Rosalía de Castro e “la erección de su estátua”. Alfredo Vicenti comprometeuse con ambos propósitos e prometeu aos presentes recabar “el concurso de Valle Inclán, de Vázquez de Mella, de Saiz de Armesto (sic) y de otros ilustres literatos gallegos que serán nuestros huéspedes en su día”. 
Non sabemos con precisión se o xornalista guatemalteco viveu en Madrid entre novembro de 1913, cando a redacción de El Liberal obsequiouno cun banquete, e xaneiro de 1914, cando o Centro Galego de Madrid nomeouno “Socio Honorario”, outro galardón que sumar aos títulos de Pontevedra e Vilagarcía, mercé a un declarado “galleguismo íntimo, profundo e inquebrantable”, que, seica, non era do agrado da redacción do bonaerense El Eco de Galicia a causa dun libro que Gómez Carrillo traducira e no que os galegos emigrados non saían moi ben parados.
Non temos constancia, tras consultar a prensa galega e madrileña, dunha visita de Vicenti e Gómez Carrillo a Galicia durante os meses estivais de 1914. Tiñan en mente, iso sí, acompañar en abril ao Ministro de Arxentina en Madrid, Marco M. Avellaneda, que xiraría unha viaxe á terra dos seus devanceiros coa encarga de visitar as escolas e centros de ensino sostidos mercé aos cartos repatriados polos emigrantes galegos e avaliar o estado do movemento labrego galego.
A comezos de abril de 1914, o escritor pontevedrés Víctor Said Armesto recibeu en Madrid unha homenaxe tras superar a oposición para a Cátedra de Literatura Galaico-Portuguesa da Universidade Central. Na mesa presidencial estiveron presentes Alfredo Vicenti, Ramón del Valle-Inclán, Isidoro Bugallal, Alejandro Mon e Lisardo Barreiro. Xa en novembro de 1910, un grupo de personalidades galegas, Valle entre elas, asinara un manifesto para expresar a súa ledicia porque Cátedra ficara na Universidade Central “pues con ello se acredita que el estudio de nuestras letras atañe a la cultura patria”, se ben é certo que a escrita foi rexeitada por algún dos asinantes e don Ramón estaba de viaxe por América, de xeito que cabe dubidar da veracidade do mesmo. Este asunto volverá aos medios de comunicación no verán de 1923 cando xurdiu a iniciativa de trasladar a Cátedra vacante á Universidade de Santiago de Compostela e nomear Valle como titular da mesma.
En febreiro de 1915, según Juan Antonio Hormigón, Gómez Carrillo sentiuse ofendido por un artigo de Pío Baroja publicado en La Tribuna que provocou a visita de dous padriños do escritor guatemalteco, xornalistas de El Liberal, que mantiveron no Café Suizo una entrevista cos que nomeara Baroja, que resultaron ser Azorín e Valle-Inclán. Foi este último que desaconsellou a Carrillo batirse con Baroja, algo que finalmente logrou.
O 15 de agosto anúnciase a chegada de Vicenti e Carrillo á Coruña onde o día 5 de setembro son obsequiados cun banquete organizado pola sociedade “Reunión de Artesanos” no Ideal Room que contou coa asistencia de numerosas personalidades: Manuel Murguía, Martínez Salazar, Alejandro Pérez Lugín, Linares Rivas, Gerardo Doval e o Alcalde accidental Gerardo Abad Conde.
As “forzas vivas” coruñesas xa debían ter amañado o nomeamento de ambolosdous xornalistas como “Hijos Adoptivos” da cidade que finalmente tivo lugar no Pleno Municipal do día 8, engadíndose o nome doutro escritor galego, Manuel Linares Rivas.
Entre os méritos que concurrían nas tres personalidades, La Voz de Galicia subliñou, no caso de Alfredo Vicenti, o seu recoñecido maxisterio no xornalismo, o seu amor por Galicia e a preocupación por un mellor e máis grande desenvolvemento da súa terra.
De Gómez Carrillo, “un sincero enamorado de la región gallega y en primer término de La Coruña”, os seus artigos sobre temas galegos eran motivo abondo mentres que os méritos de Linares Rivas transitaban entre o amor pola cidade, a súa producción dramática e a lembranza do seu pai.
Como ven sendo habitual, este tipo de distincións non resultan do agrado de todos, e desde as páxinas do coruñés El Eco de Galicia, un colaborador agochado baixo o patriótico nome de “Juan de Galicia”, botou pestes contra o Concello por lles ter concedido tamaña distinción.
A mediados de marzo de 1916, Gómez Carrillo chega a Madrid e alí asistirá, cando remataba este mes, a un banquete na honra do xornalista “El Caballero Audaz”.
Será en setembro cando atopemos aos dous xornalistas de El Liberal outravolta en Galicia na que será a derradeira viaxe de don Alfredo a súa terra. 

Cando se atopaba en Mondariz co seu fillo e Enrique Gómez Carrillo, empeorou o seu estado de saúde de xeito alarmante debido a una xeira de complicacións da súa doenza diabética.
Unha vez recuperado, viaxaron até a súa cidade natal, Santiago de Compostela, onde sufriu un ataque de uremia que aconsellou a suspensión de todos os compromisos contraídos e unha inmediata viaxe de retorno a Madrid onde finalmente faleceu o 30 de setembro tras recibir os Sacramentos, para ledicia da prensa máis ultramontana.
Sabemos dun interesante artigo de Manuel Linares Rivas que sirve para mellor coñecer a derradeira visita a Galicia de Alfredo Vicenti. Comezaba setembro e Linares recibiu una carta de Vicenti que transcribimos deseguido:
“Querido Manoliño: El 4 voy a Mondariz con Gómez Carrillo, que es también un clorhídrico consecuente, y hacia el 21 iré a pasar contigo unos días en absoluta calma, huyendo de banquetes y agasajos. Salud y un abrazo.
Alfredo”.
O día 19 atopáronse en Pontevedra na casa de Augusto González Besada onde Linares soubo do empeoramento na saúde do seu amigo:
“¿Cando vamos para Cruña, ti? …
Non sei… pero xa non vou pra tua casa.
¿E destonces revíraste, ladrón?
Non reviro, non… ¡E qu’esto se vai, Manoliño!
¡Non, home, non!
Sí, rapaz, sí… Mais cala agora qu’estos no saben ó que teño”.
Foi entre os días 22 e 23 de setembro cando, en Compostela, sufríu un ataque de uremia. Agardou até o 24 para marchar á Coruña onde foi visitado por Linares Rivas e ao día siguiente tomou o convoi cara Madrid, cara a morte.
Gómez Carrillo foi elexido director de El Liberal e permaneceu no cargo até setembro de 1917. Nunca máis, que saibamos, volveu a Galicia.
En 1919, a editorial madrileña Mundo Latino tirou das prensas un novo libro de Gómez Carrillo, titulado “Vistas a Europa”, o volume IV das súas obras completas. Un dos capítulos titúlase “En Galicia” e aproveita para publicar outravolta algún dos textos que apareceran no seu libro “Romerías”: “Los árboles”, “Villagarcía”, “Gallegos y gallegas”, “La alegría gallega”, “Las mujeres de la Coruña”, “La casa de Rosalía”, “Las hadas”, “La casa de Carolina” e “Marta y María”, que titulara en 1912 “Pontevedra y Vigo”. Inclue un novo texto, “¿Es por culpa de Santiago?...”, sobre unha visita á Compostela na que actuou como cicerone Manuel Murguía.
Aquí rematamos coa nosa investigación.
A relación entre o escritor Enrique Gómez Carrillo e Vilagarcía de Arousa debería ser lembrada por parte da Consistorio. Debería, coa axuda e os medios materiais de instancias públicas e privadas, recuperar a este autor, e, como os momentos actuais son de pura escaseza e ausencia case completa de recursos, botar man da imaxinación: tanto custaría darlle a un centro de ensino público o nome de Gómez Carrillo? E sería excesivamente caro incluir a este escritor no rueiro municipal?

------------------------------------------------------------------------------------

Propiedade Intelectual
Non se permite a reproducción total ou parcial desta páxina Web sen o permiso previo e por escrito dos autores. Se necesita fotocopiar ou escanear algún fragmento desta obra, pode contactar coa dirección ou mail desta Web.
Esta obra está protexida pola propiedade intelectual de Safe-Creative de data : 26-10-2013, co código Nº: 1310268860421
Escrito por Xabier e Teo •   Agregar un comentario   0 comentarios





 
 
TEO CARDALDA FERNÁNDEZ
  XABIER DEL VALLE-INCLÁN 
 
Vign_vilaxoan_foto_web_3
 
Vign_Dibujo
Vilagarcía, Patrimonio e historia