search_left
"Unha ventá para o recordo"
A Vilagarcía antiga
 

SE QUERES VER AS FOTOGRAFIAS AMPLIADAS PICA NA ASPA DE CADA ALBUM

 
Os últimos resquicios da nosa historia
 
O Castro Alobre

Aínda se mostra como un tesouro por descubrir para moitos. O primeiro dos seus achados data do ano 1905, cando se descobren máis de 30 sepulturas nunha necrópole por Juan Fernández-Gil Casal. Este gran número de enterramentos fai pensar que o lugar era unha evidente gran urbe comecial, aínda non atopada ata a data; da cal se ten maior constancia por unha ara romana, dedicada a Neptuno, que a fai vinculable a un transporte marítimo de gran importancia. Dita ara foi descuberta en 1940, coa inscrición ofrecida por Quintus Cilenus. Falase da estreita relación entre os castrexos e un mar cargado de alimentos, e vía de intercambios mercantís con portos distantes.
As lendas falan da existencia dun túnel baixo os penedos no alto do Castro; túnel que levaba directamente ao Castelo medieval de Lobeira, situando a Dona Urraca na Vila. A gruta baixo os penedos garda relación co devandito túnel e zona de reunión e escape dos ladróns da Vila.

O Castro Alobre
Alguns detalles que pasan inadvertidos
 
Os pequenos detalles



As veces, case sempre, caen no olvido pequenos detalles e pasan inadvertidos.Son pequenos simbolos que nos seus tempos foron seña de identidade de diferentes espazos da nosa cidade .Hoxe ainda que son pequenos, fan grande a nosa historia.

 
Casa Medina de las Torres




Vilagarcia debería recuperar as casas emblematicas que formaron parte da súa historia. Loitaremos para que no seu día o Concello recuperere esta casa chea de recordos para o disfrute de todolos Vilagarcians.Forma parte dunha época dourada da nosa vila .Ten uns xardins centenarios e dignos de restauración.

 
Casa Medina de las Torres
Os lavadoiros

Na súa orixe, os lavadoiros eran de "terrones"; aproveitábase un lugar onde a auga era abundante, á beira dun manantial e se estancaba rodeando unha pequena zona por medio de terrones. Os veciños utilizaban pedras máis ou menos planas, chamadas lavadoiros, que apoiadas sobre os terrones servían de base onde fregar a roupa. Estes lavadoiros adoitaban estar á beira dunha zona de prados ou campo que lles servían para pór a roupa a clarear. Posteriormente faríanse os lavadoiros integramente de pedra. 
Adoitaban ser públicos e por iso existían xeralmente, algunha construción deste tipo en cada núcleo de poboación. Os lavadoiros en Vilagarcia foron numerosos , algúns aínda existen en boas condicións, outros como o do rio do Con desgraciadamente desapareceron.

 
Os lavadoiros
 
Os Ballotes (Bamio)
 
O Petroglifo dos Ballotes (Bamio)

As orixes de Vilagarcía remóntanse á segunda metade do século XV (1441), cando D. García de Caamaño dá unha franquícia aos "moradores et pobradores" do que define como "meu porto e lugar". Aquelas primeiras edificacións construíronse na zona denominada O Castro, parte inicial do que hoxe coñecemos como Vilagarcía de Arousa. Con todo, os asentamentos no municipio remóntanse moitos séculos atrás.
Boa mostra témola nos gravados rupestres . Os petróglifos de os Ballotes , na parroquia de Bamio, están considerados os vestixios máis importantes (segundo milenio a. de C.) atopados na nosa zona. As figuras representadas neste achádego, inclúen tres cervos en movemento; outros que portan na sua parte de atrás un círculo, que se pode interpretar como unha alegoría ao círculo solar; e outra escena na que se representa un animal que leva no seu grupa a un antropomorfo.

 

Fontecarmoa

Camiño por ese patio que tantas veces pisei,
a miña nostalxia se desangra e o corazón en multitude
pugna por saír do peito, baleira vólvoche a ver.
O parque está abatido, cuberto de pasteiro
as túas roseiras e magnolias choran ao verme pasar.
As túas mudas xanelas cheiran a recordos e a piedade
enrejadas de tristeza e enlutadas de horfandad.
Os trasgos que hoxe che habitan acariñan as túas paredes
e atesouran as miñas vivencias coas súas invisibles redes.
Trinta anos acubillaches amor e felicidade
mil proxectos concretados, fracasos e moito máis.
Coñeces dos meus insomnios, vella casa
que sumisa e mansamente abrigaches a miña pesar.
as miñas bágoas saúdanche, vella casa familiar!

Elisa Ponce

 
A vella casa famiiar (Fontecarmoa)
O Pazo de Rubians
 
O Pazo de Rubians

O Pazo de Rubians é un do tres señoríos que hai en España recoñecidos oficialmente. Concorren alí un gran edificio palaciego, en perfecto estado de conservación, un proxecto xardinístico, un singular cinto arbolado e un viñedo de uva Albariño de 21 hectáreas.
A orixe da casa de Rubiáns hai que buscalo na Idade Media, cando no século XII a familia Caamaño, titulares da Casa de Noya establécense na beira oposta da ría. En 1535 escíndense as Casas de Noya e de Rubiáns, sendo Felipe II quen concede á familia García Caamaño o título de Marqués de Rubiáns, cedéndolle os territorios de Santa Baya de Arealonga. Ao redor desta familia creouse nun principio un burgo mariñeiro que posteriormente deu lugar á Vila de García, as orixes da actual Villagarcía de Arousa, que adoptou como escudo o propio da familia, onde se observa o piñeiro con dez lanzas.

 

SAN MARTÍN DE SOBRÁN
UNHA XOIA DO ROMÁNICO

Situada en Vilaxoán, está considerada como un dos máis bellos exemplares da arquitectura románica en Galicia. A igrexa pertenceu a un antigo mosteiro, citado en documentos do século X. Sobre as ruínas deste mosteiro construiuse no século XII o actual templo formado por unha nave e unha ábsida semicircular. 
No interior da igrexa consérvase o sepulcro de estatua yacente de don Juan Mariño Sotomayor. 
Na fachada destaca a orixinal xanela de dobre par de columnas con dobre arquivolta, que se situa intercalada entre o roseton e a portada inferior.


San Martín de Sobrán
 
A casa da familia González Garra
 
A casa da familia Gonzalez Garra

A antiga casa da familia Gonzalez Garra é unha das que se conserva actualmente en mellor estado . Foi adquirida a principios do século pasado e reformada entre os anos 1919 e 1920 engadindolle as galerías que ten na actualidade. Como todalas casas situadas nesta zona, o mar chegaba ata a balaustrada que podemos observar nas fotos. Posteriormente, co trazado da estrada que une Vilagarcia con Vilaxoan , o espazo quedou dividido conservando un pequeno lago artificial que transcorre por unha canalización subterránea. Hoxe e coñecida como “ A Casa do Lago “
O noso agradecemento a Wenceslao Gonzalez-Garra pola cesión das imaxes

 

CORTEGADA,  PARQUE NATURAL DAS ILLAS ATLÁNTICAS

A Illa de Cortegada pode considerarse como un gran Xardín Botánico da Comunidade Galega. A súa riqueza botánica é, sen ningunha dúbida, o seu maior atractivo e sobre todo o bosque de loureiro que ocupa 2'5 hectáreas de todo o territorio da illa considerado como o maior de Europa .Tamén se poden observar algúns fósiles , seguramente de corais, nos materiais graníticos que hai na zona sendo unha excepción dentro destes tipos de materiais. 
Pola súa situación privilexiada estívose a piques de construír nela unha urbanización de luxo , afortunadamente non se perdeu un dos sitios en Galicia máis bellos e interesantes que se conservan en estado salvaxe e natural. Nela apenas notase a influencia do home.

 

 
A Illa de Cortegada
 
O Pazo Rial
 
O Pazo Rial


O Pazo Rial está situado no límite fronteirizo con Vilanova, este pazo, hoxe reconvertido en hotel, foi construído en 1696 por Juan Antonio Mariño coa pedra e sillería da fortaleza de Lobeira. De estilo barroco, chama a atención a súa capela, o seu cruceiro, o antigo hórreo e o seu bello palomar. Ten a estrutura clásica dos pazos que foron acondicionados como residencias señoriales sobre antigos castelos e fortalezas. Destaca nel a súa ornamentación barroca en portas e balconadas.

 
A escultura do Dr. Fleming. 1976

Busto sobre pedestal realizado en pedra e inaugurado o 16 de Agosto de 1976.
Esta obra é do artista galego Alfonso Vilar Lamelas, autor dunha trintena de esculturas realizadas en granito e que se localizan por toda a xeografia galega. No Grove, destaca a súa obra á familia mariscadora (1972) e localizada no porto. En Sanxenxo é coñecida a emblemática "Madama de Silgar". En Vigo, o monumento ao Pescador localizado na praza do porto do Berbés, etc.
Sobre o pedestal deste monumento lese "homenaxe ao benefactor da humanidade Dr. Fleming, doado por Enrique Campos Dopazo ( Ricucho )"

A escultura do Dr. Fleming. 1976
 
O Petroglifo de Fonte Loureiro. Xiabre
O Petroglifo de Fonte Loureiro. Xiabre

No pico da Xaiba sitúase un castro aparentemente ben conservado. En diversos "chans" ou zonas chairas, como a denominada Rosa de Parroibas, localizáronse diversos túmulos funerarios de probable cronoloxía neolítica. Un de estos túmulos, o máis grande, sitúase nun espolón denominado Fonte Loureiro. Os veciños de Castroagudín relatan diversas lendas que unen o castro dá Xaiba co pobo a través dunha gabia (de onde viría o nome). Tamén sinalan a existencia dun túnel ou gabia desde Fonte Loureiro.

 
Lobeira


Lobeira co tempo converteuse nunha fortaleza de grande importancia na Idade Media, onde se forxaron capítulos reseñables da historia do Reino de Galiza. Nos séculos XI e XII a fortaleza adquiriu unha nova relevancia, da cal son protagonistas Dona Urraca, o seu fillo Afonso VII a mais do Arcebispo Xelmírez.

Lobeira
 
O antigo colexio " San Agustin "
 

O antigo colexio San Agustin ( O Castro )

No Castro podemos ver este edificio castigado polos anos nun estado lamentable de abandono. 
Fundado en 1886 co nome de “ Colexio San Agustín “ e anterior ao emblemático León XIII, podemos decir que foi senón o primeiro , un dos primeiros colexios de Vilagarcia. Estaba dirixido por Martín Gomez Abal gran profesor e pedagogo . Nel estudiaron persoaxes como o Dr Carús, Andres Muruais ou Agüero e Pardo. Naqueles anos este colexio estaba subvencionado polo Concello para persoas de escasos recursos económicos. Unha placa na súa fachada rememora ao seu fundador homenaxeado en vida en dúas ocasións ,1924 e 1926. 
Outro edificio mais da nosa historia que asiste, como outros moitos, á inxusta condena do abandono.


 

" O teatro Garcia " O primeiro teatro de Vilagarcia

O teatro "Garcia " foi o primeiro salón de cine e teatro que existiu en Vilagarcia. 
Construído a finais do século XIX por Juan Garcia, neste espazo representáronse numerosas obras de teatro e proxeccións de cine mudo. Foi tamén lugar de diversas celebracións, bailes de entroidos, festas de fin de ano etc.
Posteriormente utilizouse para a sociedade Circulo Mercantil. Actualmente está restaurado nunha parte da súa estrutura e segundo as últimas novas publicadas nos medios en breve rematarase por completo. Unha gran noticia para a recuperación da nosa historia e dun espazo testemuña de innumerables acontecementos.


 
" O teatro Garcia "
 
" Villa Guimil "
 
" Villa Guimil "


Constuida a finais do século XIX, Villa Guimil e unha das casa mais antigas de Vilagarcia.
A tremenda e feroz especulación urbanistica deixouna no medio de varias edificacions construidas na propia finca que rodeaba a casa.
Hoxe so quedan os restos abandoados do que no seu tempo foi testemuña dos anos dourados no Barrio da Prosperidade.

 
Patrimonio - Casa Da Mona ( Renza )

Patrimonio - Casa Da Mona ( Renza )

En Renza atopamos unha casa cargada de historia ,o Pazo-Casa Da Mona.
Contruida no século XVIII, exactamente no ano 1721 a súa dona Rosa Diz ante a imposibilidade de restaurala contempla con tristeza como a súa propiedade vai sufrindo o paso dos anos.
Mercada polos seus país Manuel e Isolina no ano 1941, e unha autentica xoia que pese aos seus intentos por restaurala nunca atopou a maneira para que o seu desexo convirtase nunha realidade. Unha vez mais as pedras falan co seu silencio, unas pedras que no seu día foron símbolo do explendor en épocas pasadas.

Patrimonio - Casa Da Mona ( Renza )
 
A Casa da familia Rey-Stolle . Vilaxoán
 
A casa da familia Rey-Stolle . Vilaxoán

En Vilaxoán podemos ollar esta casa .Dende fai moitos anos propiedade da familia Rey-Stolle
Oriundos de Santiago, como moitas familias daqueles anos , pasaban as tempadas estivais neste enclave situado a beira da rúa que une Vilagarcia con Vilaxoán.
Antiguamente esta rúa estaba dentro da propia finca conformando un espazo de xardín de dimensions considerables.
O seus arbores centenarios fan desta casa un paraxe idilico e cargado de historia.

 
Os últimos retazos do Castro

Se temos que lembrar a historia das rúas de Vilagarcia é obrigado comezar por O Castro posto que nesta zona estaba situado o gran areal que era frecuentado, dende tempo inmemorial, por pescadores que sobre el construían as súas chozas e que deu pé a García de Caamaño, "O Vello", a ditar a súa "Carta Pobla" o 12 de maio de 1441, co cal quedaba fundado o burgo mariñeiro que hoxe coñecemos como Vilagarcía.
O Castro debe o seu nome orixinariamente á súa situación un pouco elevada nun gran areal e que permitía a esta zona quedar emerxida e illada en certas mareas. Logo foi crecendo a medida que se foi construíndo de tal maneira que o construtor tiña que encher ao mar a mesma superficie que ocupase a súa construcción.

Os últimos retazos do Castro
 
VILAGARCÍA DE AROUSA NOS ANOS 70-80
 
 
FOTOS I 
 
GALERIA DE IMAXES

1   -- O Castro Alobre 
2   -- Pequenos detalles
3   -- Casa Medina de las Torres
4   -- Os lavadoiros  
5   -- O Petroglifo dos Ballotes
6   -- A vella casa familiar 
7   -- O Pazo de Rubians
8   -- San Martin de Sobrán
9   -- A casa de Gonzalez Garra
10 -- Cortegada, Parque Natural
11 -- O Pazo Rial
12 -- O busto do Dr. Fleming
13 -- Os petroglifos de Xiabre
14 -- Lobeira
15 -- O colexio " San Agustin "
16 -- O antigo teatro " Garcia "
17 -- Villa Guimil
18 -- Patrimonio - Casa Da Mona
19 -- Casa da familia Rey-Stolle
20 -- Os últimos retazos do Castro 21 -- Vilagarcía nos anos 70-80

 
Vign_villagarcia_02
 
Vign_vilagarcia-de-arousa-monastery2
 
Xardin de Ravella
Vign_ravella
 
Cortegada
Vign_vilagarcia-cortegada
 
Pazo de Vista Alegre
Vign_vilagarcia-de-arousa-monastery
 
Casas nos anos vinte
Vign_untitled
 
O Xardín de Artime
Vign_dscf5423
 
O Castro Alobre
Vign_castro-de-alobre_2515121
 
Pazo Pardiñas (Vilaxoan)
Vign_dscf5259
 
Pazo da Golpilleira
Vign_dscf5142
 
O Pazo de Rubians
Vign_121355037942162
 
Fundición de Alemparte ( Carril )
Vign_123118851099114
 
Vista Alegre
Vign_117066518371014
 
Rúa do Comercio
Vign_104169912994008
 
Medina de las Torres
Vign_120165218061144
 
Medina de las Torres-1920
Vign_120172558060410
 
Reloxo do Obelisco
Vign_reloxo_do_obelisco
 
Fonte da Igrexia
Vign_fonte_pza_de_espa_a_123276857749980
 
Fonte da Igrexia
Vign_fonte_pza_de_espa_a
 
Escudo no Casino
Vign_escudo_na_fachada_do_casino
 
Pazo Rubians
Vign_121427587934907
 
Pazo Rubians ( Salón )
Vign_121427561268243
 
A antiga casa de Buhigas
Vign_103993603011639
 
San Antoniño do Pousadoiro
Vign_124225210988478
 
A Pasarela de Vista Alegre
Vign_116281705116162
 
Mirador casa Calderón
Vign_122753954468937
 
Casa Agustín Romero
Vign_dscf5111
 
Fonte Igrexia de Cea
Vign_vizcondesa_de_llanteno_022
Vilagarcía, Patrimonio e historia