VILAGARCÍA DE AROUSA ,  PATRIMONIO E HISTORIA   
BENVIDOS A WEB DA ASOCIACIÓN POLA DEFENSA DO  PATRIMONIO DE VILAGARCÍA DE AROUSA   

Cortegada pode considerarse
como o gran Xardín Botánico da nosa Comunidade
A súa riqueza é, sen ningunha dúbida,
o seu maior atractivo , sobre todo o bosque de
loureiro que ocupa 2'5 hectáreas de todo o territorio
da illa , considerado como o maior de Europa .

Pola súa situación privilexiada estívo
a piques ser, unha vez mais, vitima da especulación urbanistica
Afortunadamente non perdimos un dos enclaves
máis bellos de Galicia conservandose
nun estado salvaxe e natural.

Para comprender o presente e proxectarnos cara ao futuro, é necesario comprender o pasado. O coñecemento da nosa historia revélanos a raíz da maioría dos problemas que vivimos hoxe en día . As situacións tenden a repetirse, cambiando de forma pero retendo o fondo. O estudo e coñecemento da vida e costumes dos nosos antepasados permítenos aprender e apreciar todo o que hai detrás do que temos e facemos hoxe en día.

As nosas raíces permítennos dar unha explicación case cientifica da realidade que vivimos neste tempo “Un pobo sen pasado e sen memoria é un pobo sen futuro”. Estudar a vida dos nosos antepasados é unha forma de coñecemento e é mentira a frase de que ninguén experimenta na cabeza allea, a nosa memoria é acumulativa e por iso temos historia, esquecela pódenos levar a cometer erros. Para comprender os nosos orixes debemos asumir unha actitude consciente respecto da forma na que se desenvolveu porque a historia examina minuciosamente o curso da nosa sociedade, a multiplicidade da nosa cultura, das nosas actitudes e das nosas paixóns

O fin non é enunciar principios xerais, leis, regularidades sobre a vida humana, nin acuñar en tese doctrinarias unha idea do home. A historia móstranos todo isto ao tratar de revivir, na súa complexidade e riqueza, pedazos de vida humana.

Carlos Althaus dicia "todos somos, ata certo punto, o produto das decisións dos nosos maiores, e quizá en maior medida aínda, das xeracións que nos precederon. Así, o lugar onde nacemos, a instrución que recibimos, a relixión que profesamos, o idioma que falamos, foron xeralmente a decisión de persoas de xeracións anteriores. Nós podemos modificar todo iso, vivir noutro país, cambiar de relixión, ou non profesar ningúnha, pero o que recibimos de pequenos quedará na nosa memoria para toda a vida. Non pode cambiarse, é parte do noso ser"

Se aceptamos a premisa de coñecer o noso pasado aclararanos quen somos como individuos e de onde vimos como persoas, non importa o tristes que sexan os recordos. Non debemos, pois, esquecer o pasado. O pasado é parte de nós mesmos
Juan Carlos Porto. Páxina Web